Jennifer Eniston 56 yoshda: aktrisaning onasi bilan janjali, muvaffaqiyatsiz nikohlari va nega farzandli bo‘lolmasligi haqida

Dunyoning eng boy aktrisalaridan biri, iste’dodli komediya ustasi, “Emmi” va “Oltin globus” mukofotlari sohibasi, yillar ta’sir qilmagan go‘zal ayol Jennifer Eniston 11-fevral kuni 56 yoshini yolg‘iz nishonladi.

U onasi xunuk deb atagan kompleksli qizdan millionlab muxlislar qalbining egasiga aylandi. Biroq mashhur aktrisa 60 yosh arafasida qizil gilamda yolg‘iz o‘zi, uning atrofida g‘iybatlar to‘lib-toshgan, hatto AQSHning 44-prezidenti Barak Obama bilan ishqiy munosabatlari haqida mish-mishlar urchigan.

Jennifer Enistonning bolaligi va “Do‘stlar” serialidagi muvaffaqiyati

Bo‘lajak yulduz 1969-yil 11-fevralda Kaliforniyaning Sherman-Oks shahrida grek millatiga mansub aktyor Jon Eniston va model Nensi Dou oilasida tug‘ilgan.

Uning ikkita akasi bor: kattasi Jon va kichigi Aleks. Qiz 9 yoshida ota-onasi ajrashadi, u onasi bilan qoladi, biroq Los-Anjelesga ko‘chib, “Hayotimiz kunlari” serialida rol o‘ynayotgan otasini tez-tez yo‘qlab turardi.
 
Maktab to‘garagidayoq namoyon bo‘lgan iste’dodi va otasining muvaffaqiyatlariga qaramasdan, Jenniferning aktrisa bo‘lish orzusi darrov ro‘yobga chiqmaydi.

U Nyu Yorkdagi LaGuardia san’at maktabini tamomlagan, lekin faqat kino va sahnada kichik rollarni o‘ynagan va tirikchilik uchun boshqa kasblarda ham ishlagan — kuryer, ofitsiant, sotuvchi, kotib sifatida.

Vaqt o‘tishi bilan u Gollivudga ko‘chib o‘tish uchun pul yig‘adi va o‘ziga agent topadi. Kino sanoatining shafqatsiz dunyosi birinchi navbatda uni ozishga majbur qilib, keyin esa kastinglar bilan shug‘ullana boshlaydi. 1990-yilda Eniston “Kukamong lageri” filmidagi obrazi tufayli rejissyorlar e’tiboriga tushadi. Keyinchalik “Leprekon” filmi va seriallarining bir nechta epizodlarida ham rol o‘ynaydi.

Omadi kelmaganidan umidsizlikka tushgan Jennifer hammasidan voz kechishga qaror qilganida, to‘satdan “Do‘stlar” seriali ijodiy jamoasiga qo‘shiladi. Shu paytdan boshlab uning hayoti keskin o‘zgaradi. U o‘shanda 25 yoshda edi va yangi loyiha katta muvaffaqiyat keltiradi.

Reychel Grin obrazi go‘yo aktrisaga yopishib olgandek edi, oldinda unga o‘xshash ko‘plab qahramonlar — go‘zallar, modaparastlar, yoqimtoylar, o‘z sevgisini izlayotgan tinib-tinchimas optimistlar bor edi.

Jennifer Enistonning onasi bilan mojarosi bir umrga iz qoldirdi

Ulg‘aygan san’atkor bolaligini istar-istamas eslaydi. Onasi bilan munosabatlari uning uchun jarohatli bo‘lib, ko‘plab komplekslarni keltirib chiqardi. Yoshligidan ota-onasi qizining tashqi kamchiliklarini ko‘rsatgan, shundan keyin aktrisa o‘zini “ochiqchasiga xunuk” deb hisoblay boshlagan.

Jen jamiyatni go‘zalligi bilan o‘ziga jalb qila olmasligini tushunib, maktabda got uslubida kiyinar, disleksiya tufayli zo‘rg‘a o‘qir va uyda onasidan yangi-yangi “maqtovlar” eshitardi. O‘tmishda modellik qilgan onasi o‘z jozibadorligini bilgan holda, amalda qiziga nisbatan qo‘pol munosabatda bo‘lardi.

Agar onam menga qanchalik xunuk ekanligimni aytmaganida, balki hammasi boshqacha bo‘lardi,” deb tan oladi Eniston Vanity Fair jurnalistiga.

Ochiq intervyular tufayli onasi bilan shundoq ham keskin munosabatlar 1996-yilda Douning mashhur qizi haqida ko‘plab ortiqcha gaplarni aytib, yomon ko‘rsatgan xotiralarini nashr etganida uzil-kesil buziladi.

U gonorarlarni sanab o‘tirganida, Jennifer paparatssidan yashirinib, sharmandalikdan zo‘rg‘a qutulardi. Ushbu ommaviy kamsitishdan so‘ng, yulduz 20 yil davomida ota-onasi bilan aloqani uzadi.

O‘limidan sal avval Duo qizi bilan yarashishga harakat qiladi. Ammo Enistonni vasiyatnomasida tilga ham olmaydi, qizi esa uning xokini krematoriydan olishni istamaydi.

Muvaffaqiyatsiz nikohlar va ishqiy munosabatlar, xiyonatlar va farzand orzusi

“Do‘stlar”ning muvaffaqiyatidan so‘ng Jennifer karyerasida pasayish kuzatilmaydi, u hali ham talabgir va juda mashhur edi. Yorqin fotosuratlardagi baxtli tabassum ortida nafaqat oilaviy fojia, balki shaxsiy hayotdagi muammolar ham yashiringandi — sevgilisiga xiyonat va bepushtlikka qarshi kurash.

Millionlab dollarlar va muxlislar oila o‘rnini bosa olmasdi. Eniston oila qurishga urinib ko‘rdi, lekin o‘ziga mos keladigan yigitni topolmadi. Aktrisaning birinchi yigiti “Ferris Buller” serialidagi hamkasbi Charli Shletter bo‘lgan.

“Do‘stlar” filmidagi hamkorlikdan so‘ng, Teyt Donovanning ekrandagi sevgilisi haqiqatga aylandi. Ammo u qo‘lini so‘rashi bilanoq Jen ajralishga qaror qildi.

Keyin Enistonning hayotida Gollivudning kelishgan aktyori Bred Pitt paydo bo‘ldi. Ularni aslida piar uchun agentlari tanishtirgandi, ammo bir yildan so‘ng mashhurlar to‘yga million dollardan ortiq pul sarflab, turmush qurishadi.

Jurnalistlar bu juftlikni juda yaxshi ko‘rishar, ularning munosabatlarida uyg‘unlik bordek tuyulardi, lekin Pitt “Janob Smit va Smit xonim” filmining suratga olish jarayonlarida Anjelina Jolini sevib qoladi. Ularning nikohi besh yil davom etadi.

Kimdir Jolini ayriliqqa sababchi deb bilsa, kimdir go‘yo eriga farzand tug‘ib berishni istamagan — qomati va karyerasi uchun qo‘rqqan Enistonni ayblardi. Aslida esa aktrisa homila tushishi, muvaffaqiyatsiz EKO muolajalari, shifokorlar huzuriga tinimsiz tashriflarni boshidan o‘tkazgandi.

Tez orada yulduz ommaga o‘zining bepushtligi haqida ma’lum qilishga qaror qiladi. Jenniferning so‘zlariga ko‘ra, aynan tashxis va tan olish uning yelkasidan yukni yengillashtirib, va nihoyat yengil nafas olib shunchaki yashashga imkon berdi.

Plastir-erkaklar va yangi xiyonatkor er

Tashlab ketilgan yulduz o‘zini erkaklar makrining qurboni sifatida ko‘rsatib, ajralishni og‘ir kechirdi. Chamasi, bu azobni unutish uchun u “Amerikacha ajralish” filmidagi hamkasbi Vins Von bilan tezda munosabat o‘rnatdi.

Ular doim janjallashar, faqat bir yildan keyingina ajralishadi. Eniston juda ko‘p erkaklar bilan munosabatlar bog‘lagan, jumladan Ouen Uilson, Bryus Uillis, Devid Shvimmer, Bredli Kuper, Metyu Perri ...Hatto aktrisaning AQSh sobiq prezidenti Barak Obama bilan aloqasi haqida ham mish-mishlar yuradi.

Bu taxminning bema’niligiga va siyosatchining rafiqasi borligiga qaramay, g‘iybatlar hozirgacha nashriyotlarni muntazam ravishda qiziqtiradi.

Turmush o‘rtog‘i o‘rniga — qadrdon do‘st

Jennifer Enistonning eng ishonchli partnyorlaridan biri komediyachi Adam Sendler edi. Ular bir necha bor filmlarda birga suratga tushib, asta-sekin do‘stlashishadi.

Sendler va uning rafiqasi Jeki Titoun homilador bo‘lishga bo‘lgan behuda urinishlar, sevgidagi muvaffaqiyatsizliklar haqida bilishar edi va har doim Jennini qo‘llab-quvvatlab, har yili onalar kunida unga gullar yuborishadi.

Enistonning yana bir do‘sti va kinodagi sherigi Jeyson Beytman bor. Uning sevgilisi Amanda Anka ham OAVda hamkasblarning birga dam olayotgani aks etgan suratlar paydo bo‘lsa ham rashk qilmaydi.

Ular ancha yillardan beri birga sayohat qilishadi, ziyofatlarda qatnashishadi bundan tashqari bir-birlari bilan sirlarini baham ko‘rishadi va o‘zlari aytganidek, ular hech narsani o‘zgartirmoqchi emas.

Jennifer Eniston hozirda shaxsiy rivojlanishiga e’tibor qaratgan. Aktrisaning aytishicha, ba’zida munosabatlarni orzu qiladi, lekin ularni asosiy maqsadga aylantirmaydi.