77 yoshli Arnold Shvarsenegger hozirda “Qop tutgan odam” nomli komedik jangari filmida Santa-Klaus rolini ijro etmoqda.
Qahramonning sehrli qopi o‘g‘irlanganida, uni topishda yordam so‘rash uchun bolaligida itoatsiz bolalar ro‘yxatiga kiritilgani sababli sovg‘asiz qolgan sobiq o‘g‘ri Vensga murojaat qilishga qaror qiladi. Vens o‘zining kichkina qizi va omadsiz elflar guruhi bilan birga Rojdestvoni qutqarish uchun hayotidagi eng mas’uliyatli topshiriqni amalga oshirishi kerak.
Bayramona filmning epizodlaridan biri tunda Nyu Yorkda suratga olingan. Arni chanada, mo‘ynali oq-qizil palto va xuddi shunday qalpoq kiygan holda edi. Avvalroq Shvarsenegger hamkasblari bilan birga Markaziy bog‘da qor yog‘ayotgan yana bir nechta tungi sahnalarda ishtirok etgandi.
Filmda “Terminator” yulduzidan tashqari Akvafina, Jeyn Krakovski, Ken Jong, Rojer Bart va Maykl Siril Kreyton ishtirok etgan. Vens rolini Alan Richson ijro etadi, u ham ushbu loyihaga prodyuserlik qiladi. Rejissyorlik kursisida esa Adam Shenkman.
Izoh (0)