Toshkent viloyati, Bo‘stonliq tumani, “Yakka tut” mahallasidagi uylarning birida fuqaro hojatxona uchun qazilgan 5 metrlik chuqurlikka tushib ketdi. Bu haqda FVV matbuot xizmati xabar berdi.
Maʼlum qilinishicha, bu to‘g‘risidagi xabar 21-noyabr kuni soat 14:31 da FVBga kelib tushgan.
FVV qutqaruvchilari zudlik bilan aytilgan manzilga yetib borib, qutqaruv anjomlari yordamida fuqaroni chuqurlikdan chiqarib olgan.
Fuqaroga birinchi tibbiy yordam ko‘rsatib, tez tibbiy yordam xodimlariga topshirilgan. Hozirda fuqaro tuman tibbiyot birlashmasida shifokorlar nazorati ostida.
Izoh (0)