Жиззах вилоятининг Зомин тумани, Суффа платоси ҳудудидан оқиб ўтувчи Қашқарсув сойи бўйида 12 май куни соат 19:56 ларда бир нафар фуқаро жарликка тушиб кетди. Бу ҳақда ФВВ матбуот хизмати хабар берди.
Маълум қилинишича, шундан сўнг фуқаро жарликдан қайтиб чиқа олмаётганлиги тўғрисида қутқарувчиларга мурожаат қилган.
Қутқарувчилар томонидан фуқаро жарликдан соғ-саломат чиқариб олинган.
Тошкент вилоятининг Бўстонлиқ туманида 2 ёшли бола жарликка тушиб кетгани ҳақида хабар берилганди.
2024 йилнинг апрель ойида Чиноз туманида 15 ёшли қиз эҳтиётсизлиги оқибатида чуқурга тушиб кетганди. Шунингдек, Тошкент вилояти, Бўстонлиқ тумани, “Якка тут” маҳалласидаги уйларнинг бирида фуқаро ҳожатхона учун қазилган 5 метрлик чуқурликка тушиб кетган эди.
Бахтсиз ҳодисалардан қандай ҳимояланиш мумкин?
Бахтсиз ҳодисалардан тўлиқ ҳимояланиш мумкин эмас, лекин хавфни камайтириш ва ўз хавфсизлигингизни ошириш жуда муҳим. Бунинг учун қуйидаги чораларни кўринг:
Биринчи ўринда — суғурта полиси олинг. Бу молиявий хавфдан ҳимояланишнинг самарали усулидир. Уй, машина ва соғлиқ учун суғурта орқали бахтсиз ҳодисаларнинг иқтисодий зарарини енгиллатиш мумкин.
Огоҳ бўлинг: Қаерда бўлсангиз ҳам атрофингиздаги вазиятни кузатинг. Бахтсиз ҳодисалар кўпинча бефарқлик ёки эътиборсизлик сабабли содир бўлади.
Билим ва кўникмаларни оширинг.
Биринчи ёрдам кўрсатиш бўйича билимларни эгалланг, ёнғинга қарши курашиш қоидалари ва бошқа хавфсизлик бўйича қўлланмаларни ўқинг. Уйда хавфсизликни максимал таъминланг — тутун датчиклари ва ўт ўчиргичларга ҳозирланг.
Носоз электр симлари ва қурилмалардан сақланинг. Атрофни кузатинг: пиёда бўлсангиз, фақатгина телефонга эмас, балки атрофга ҳам қараб юришга ҳаракат қилинг. Йўл ҳаракати қоидаларига риоя қилинг.
Изоҳ (0)