Toshkent shahar Chilonzor tumanida Zeekr elektromobili yonib ketdi. Holat yuzasidan Favqulodda vaziyatlar bo‘limi xabar berdi.
Unda aytilishicha, 10-aprel kuni soat 07:30 da Toshkent shahar Chilonzor tumani, Furqat ko‘chasida elektromobil yonayotgani to‘g‘risida Toshkent shahar FVBga xabar tushgan. Shunga ko‘ra, yong‘in-qutqaruv texnikalari aytilgan manzilga soat 07:35 da yetib borib, yong‘in soat 08:28 da, qariyb bir soatda o‘chirildi.
Aytilgan manzilda yong‘in natijasida elektromobilning akkumulyator qismida yong‘in kelib chiqqani aniqlandi.
“Eslatib o‘tamiz, hurmatli fuqarolar, barcha elektromobillarning batareyalari o‘zida juda katta miqdorda energiyani saqlashi sababli, xalqaro tajribaga muvofiq, yong‘in chiqqan akkumulyator ichidagi elektr quvvati to‘liq tugagunga qadar akkumulyatorni sovitish ishlari amalga oshiriladi. Shu sababli yong‘inni o‘chirish usuli boshqa oddiy yonilg‘ida yuruvchi avtomobillardan farq qiladi”, deyiladi xabarda.
Yong‘in oqibatida halok bo‘lgan va jabrlanganlar yo‘q. Hozirda yong‘in sababi va keltirilgan moddiy zarar miqdori aniqlanmoqda.
Bundan avval Toshkent shahar Yunusobod tumanida beton to‘siqqa urilgan elektromobil yonib ketgan edi. BYD haydovchisi rul boshqaruvini yo‘qotib, yo‘lni ajratib turuvchi beton to‘siqqa urilishi natijasida yong‘in kelib chiqqan.
To‘qnashuv natijasida haydovchiga shifokorlar tomonidan tibbiy yordam ko‘rsatilgan.
2024-yil 3-noyabr kuni ham Qamchiq dovonida yuk avtomobilida qisqa tutashuv sababli yong‘in yuzaga kelgandi. Shuningdek, Qamchiq dovonida 5-noyabr kuni soat 13:30 larda yuk mashinasi yonib ketgandi.
Dekabr oyi oxirida Qashqadaryo va Toshkentda mashinalar yonib ketgandi. Fevral oyining 2-sanasida Toshkentning Yangihayot tumanida mashina yonib ketgan.
Bundan tashqari, Jizzax viloyati Zomin tumanida yuk mashinasi yonib ketgandi.
- Andijonda harakatlanib ketayotgan “ZIL” butunlay yonib ketdi (video)
- Toshkent viloyatida Cobalt bilan to‘qnashgan Nexia-2 yonib ketdi
Izoh (0)