Namangan viloyatida 9 oylik homilador ayol gaz portlashi oqibatida kuyib ketdi. Bu haqda “Millar” dasturida xabar berildi.
Xabarda keltirilishicha, ayol qo‘shnilari tomonidan shifoxonaga olib kelingan. Farzandi sog‘lom dunyoga kelgan. Ayolning o‘zi voqea haqida aytib berdi.
“Ovqat qilayotgan paytimda gaz ballon yonib ketdi. Bu holat plita va gazballon o‘rtasida yuz berdi. So‘ngra tezda qo‘shnilarim shifoxonaga olib kelishdi. 9 oylik farzandimni dunyoga keltirdim. Shifokorlar yordam berdi. O‘zim (jarrohlik amaliyotisiz) dunyoga keltirdim, farzandim sog‘lom”, deydi jarohatlangan ayol.
Hozirda ayol jarohatining 35 foiz qismi bitish arafasida. Butkul tuzalishi uchun 2 yil vaqt kerak ekani ta’kidlandi. Bolaning sog‘lig‘i esa yaxshi, sog‘lom.
Samarqand viloyati Nurobod tumanida ichki ishlar xodimlari tomonidan hojatxonadan chaqaloq qutqarib olingani haqida xabar berilgan edi. “Chaqaloq hojatxonaga tushib ketgan, yaʼni onasi tug‘ib qo‘ygan holati bo‘yicha bordik. Haqiqatan ham hojatxonadan chaqaloq ovozi eshitilgandan so‘ng sherigimiz formasini yechib, kovlagan yerimizdan bolani olishga urindi”, deydi xodim.
Ayol 5-farzandiga homilador ekanini bilmagan.
Izoh (0)