Futbol bo‘yicha O‘zbekiston Superligasining 4-turidan o‘rin olgan qoldirilgan uchrashuv 5-aprel, shanba kuni bo‘lib o‘tdi.

Unda G‘uzorning “Sho‘rtan” klubi Qarshining “Nasaf” jamoasi bilan bahs olib bordi. Uchrashuv tezkor gol bilan boshlandi. Husayn Norchayev 5-daqiqadayoq hisobni ochdi.
26-daqiqaga kelib Oybek Bozorov hisobni ikkitaga oshirdi. Birinchi bo‘limda boshqa hisob o‘zgarmadi.
70-daqiqaga kelib esa Sharof Muhitdinov hisobni yiriklashtirdi. 10 daqiqa o‘tgach Sirojiddin Qo‘ziyev penaltidan gol urdi. Oradan 6 daqiqa o‘tib esa yana Muhitdinov gol urib, jamoasining g‘alabasini mustahkamladi.
Shunday qilib, qarshiliklar ushbu g‘alaba bilan 8 ochko to‘plagan holda 3-o‘ringa ko‘tarilib oldi. G‘uzor jamoasi esa 15-o‘rinni egallab turibdi.
Izoh (0)