Футбол бўйича Ўзбекистон Суперлигасининг 4-туридан ўрин олган қолдирилган учрашув 5 апрель, шанба куни бўлиб ўтди.
Унда Ғузорнинг “Шўртан” клуби Қаршининг “Насаф” жамоаси билан баҳс олиб борди. Учрашув тезкор гол билан бошланди. Ҳусайн Норчаев 5-дақиқадаёқ ҳисобни очди.
26-дақиқага келиб Ойбек Бозоров ҳисобни иккитага оширди. Биринчи бўлимда бошқа ҳисоб ўзгармади.
70-дақиқага келиб эса Шароф Муҳитдинов ҳисобни йириклаштирди. 10 дақиқа ўтгач Сирожиддин Қўзиев пенальтидан гол урди. Орадан 6 дақиқа ўтиб эса яна Муҳитдинов гол уриб, жамоасининг ғалабасини мустаҳкамлади.
Шундай қилиб, қаршиликлар ушбу ғалаба билан 8 очко тўплаган ҳолда 3-ўринга кўтарилиб олди. Ғузор жамоаси эса 15-ўринни эгаллаб турибди.
Изоҳ (0)