AQSH davlat samaradorligi departamenti rahbari va tadbirkor Ilon Mask Amerika siyosiy jamiyati (America PAC) a’zolari yig‘ilishiga kesilgan pishloq bo‘lagiga o‘xshash shlyapada tashrif buyurdi. Tadbirda olingan videoyozuv uning X ijtimoiy tarmog‘idagi sahifasida e’lon qilindi.

Uchrashuv Viskonsin shtatida o‘tkazilgan. Tasvirda Maskning tushib ketayotgan bosh kiyimini qo‘llari bilan ushlab, sahnaga yugurib chiqayotgani ko‘rinadi.
“Kelganingiz uchun rahmat, shlyapam sizga yoqdimi?”, deya so‘radi tadbirkor tadbir boshida. Keyinroq u bosh kiyimini yechib, unga imzo qo‘ydi-da, tomoshabinlar orasiga uloqtirgan.
Amerika siyosiy jamiyati 2024-yil iyulda Mask tomonidan tashkil etilgan jamoat tashkilotidir. America PAC faoliyatining asosiy yo‘nalishi mamlakatning amaldagi prezidenti Donald Trampni qo‘llab-quvvatlashga tayyor AQSH fuqarolarini topishdan iborat.
28-mart kuni AQSH davlat samaradorligi departamenti rahbari hukumat ishida keng ko‘lamli o‘zgarishlar zarurligini ta’kidladi. Uning fikricha, aks holda “Amerika” deb nomlangan kema cho‘kib ketishi mumkin.
Izoh (0)