АҚШ давлат самарадорлиги департаменти раҳбари ва тадбиркор Илон Маск Америка сиёсий жамияти (America PAC) аъзолари йиғилишига кесилган пишлоқ бўлагига ўхшаш шляпада ташриф буюрди. Тадбирда олинган видеоёзув унинг Х ижтимоий тармоғидаги саҳифасида эълон қилинди.
Учрашув Висконсин штатида ўтказилган. Тасвирда Маскнинг тушиб кетаётган бош кийимини қўллари билан ушлаб, саҳнага югуриб чиқаётгани кўринади.
“Келганингиз учун раҳмат, шляпам сизга ёқдими?”, дея сўради тадбиркор тадбир бошида. Кейинроқ у бош кийимини ечиб, унга имзо қўйди-да, томошабинлар орасига улоқтирган.
Америка сиёсий жамияти 2024 йил июлда Маск томонидан ташкил этилган жамоат ташкилотидир. America PAC фаолиятининг асосий йўналиши мамлакатнинг амалдаги президенти Дональд Трампни қўллаб-қувватлашга тайёр АҚШ фуқароларини топишдан иборат.
28-март куни АҚШ давлат самарадорлиги департаменти раҳбари ҳукумат ишида кенг кўламли ўзгаришлар зарурлигини таъкидлади. Унинг фикрича, акс ҳолда “Америка” деб номланган кема чўкиб кетиши мумкин.
Изоҳ (0)