TikTok xizmatiga egalik qiluvchi ByteDance kompaniyasining asoschisi Chjan Imin Xitoyning eng boy insonlari ro‘yxatida birinchi o‘rinni egalladi. Bu haqda Bloomberg milliarderlar indeksi ma’lum qildi.
41 yoshli tadbirkorning boyligi 2024-yilda 13,6 milliard dollarga ko‘payib, 2025-yil mart oyi oxiriga kelib 57,5 milliard dollarni tashkil etgan.
Ikkinchi o‘rinda 56,6 milliard dollar sarmoyaga ega bo‘lgan Tencent Holdings texnologiya kompaniyasining hammuassisi Poni Ma (Ma Xuaten nomi bilan ham tanilgan) turibdi. Uchinchi o‘rinda esa shishalangan suv va alkogolsiz ichimliklar ishlab chiqaruvchi Nongfu Spring kompaniyasi rahbari Chjun Shanshan joylashgan bo‘lib, uning boyligi 54,1 milliard dollarga baholangan.
O‘tgan yili Bloomberg Billionaires Index talqiniga ko‘ra, Xitoyning eng boy insonlari ro‘yxatida Poni Ma yetakchilik qilgan edi. O‘sha paytda uning boyligi 43,7 milliard dollarga baholangandi. Ro‘yxatning ikkinchi pog‘onasida 43,6 milliard dollar sarmoya bilan Chjun Shanshan turgan edi. Chjan Imin esa 43 milliard dollar boyligi bilan uchinchi o‘rinni egallagandi.
Ilgariroq Ilon Mask 2027-yilga kelib dunyodagi birinchi trillioner bo‘lishi mumkinligi taxmin qilingan edi.
Izoh (0)