Amerikalik tadbirkor, Hukumat samaradorligi boshqarmasi (DOGE) rahbari bo‘lib ishlayotgan Ilon Mask Markaziy razvedka boshqarmasi (CIA) rahbari bilan uchrashib, xarajatlarni qisqartirishni muhokama qilmoqchi.
Bu haqda Politico gazetasiga Markaziy razvedka boshqarmasi rasmiy vakili ma’lum qildi.
Bir qator manbalar uchrashuv 31-mart, dushanba kuni bo‘lib o‘tishini ta’kidlamoqda.
“Direktor Retkliff Ilon Maskni agentlikda hukumat faoliyati samaradorligini muhokama qilish uchun yig‘ilishga taklif qildi”, deya nashr rasmiy so‘zlaridan iqtibos keltirmoqda.
Mask va Retkliff AQSH prezidenti Donald Trampning hukumat xarajatlarini qisqartirish va uni tartibga solish rejasi kontekstida Markaziy razvedka boshqarmasi samaradorligini muhokama qilishi kutilmoqda.
6-mart kuni AQSH prezidenti Donald Tramp Hukumat samaradorligi departamenti (DOGE) rahbari Ilon Maskning faoliyatiga yangi cheklovlar qo‘ygani xabar qilingandi.
DOGE rahbari bunga javoban boshqaruvda ayrim xatolarga yo‘l qo‘yganini tan oldi. Ikki nafar vakilning aytishicha, Tramp o‘z ma’muriyatining yuqori lavozimdagi a’zolariga Mask faqat tavsiyalar berish huquqiga egaligini aytgan. Ammo uning kadrlar va siyosat masalasida yakka tartibda qarorlar qabul qilish huquqi yo‘qligini ta’kidlagan.
Izoh (0)