Ulug‘bek Jo‘rayev Andijon viloyati hokimiga o‘rinbosar etib tayinlandi.
Viloyat hokimligi matbuot xizmatining ma’lum qilishicha, u hokimning qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari vazifasini bajaruvchisi bo‘ldi.
Ushbu tayinlovga qadar Ulug‘bek Jo‘rayev Andijon viloyat hokimligining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha kotibiyat mudiri lavozimida ishlab kelayotgan edi.
Andijon viloyat hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari lavozimida bunga qadar Ibrohimjon Holmatov ishlab kelayotgandi.
Ulug‘bek Jo‘rayev haqida
1990-yilda Andijon tumanida tug‘ilgan. Andijon qishloq xo‘jaligi institutini tamomlagan. Mehnat faoliyatini 2015-yilda Andijon shahar moliya bo‘limida xo‘jalik ishlari mudiri sifatida boshlagan.
2016—2020-yillarda Andijon tumani hokimligi moliya bo‘limining byudjet bo‘limi boshlig‘i o‘rinbosari hamda bo‘lim boshlig‘i, 2022—2023-yillarda Monopoliyaga qarshi kurashish qo‘mitasining Andijon viloyat hududiy boshqarmasi boshlig‘i, Raqobatni rivojlantirish va iste’molchilar huquqlarini himoya qilish qo‘mitasining Andijon viloyat hududiy boshqarmasi boshlig‘i lavozimlarida faoliyat olib borgan.
2025-yilning yanvarida Davronbek Sattorov Andijon viloyati hokimining turizm, madaniyat, madaniy meros va ommaviy kommunikatsiyalar masalalari bo‘yicha o‘rinbosari etib tayinlangandi.
Izoh (0)