Ijtimoiy tarmoqlarda maktab oldida noma’lum shaxs bolalarga salomatlik uchun xavfli bo‘lgan shubhali konfet berib ketayotgani haqida xabarlar tarqalib, vahimaga sabab bo‘lgandi. Bolalar ombudsmani holat yuzasidan ma’lumot berdi.
IIV tomonidan aniqlanishicha, Andijon viloyati, Oltinko‘l tumanidagi umumta’lim maktabining 3-sinf o‘quvchisi X.M. (2015-yilda tug‘ilgan o‘g‘il bola) mazkur hududda joylashgan savdo do‘konidan 1 000 so‘mga 3 dona Strawberry nomli konfet sotib olgan. So‘ng maktabga kelgan vaqtida sinfdoshi O.A. undan shirinlikni qayerdan olganligini so‘raganda, unga go‘yoki notanish shaxs berib ketganini aytib, aldagan.
Maktab hamshirasi O.A. bolaning gapidan xulosa qilib, ijtimoiy tarmoqlarga maktab atrofida Strawberry nomli shubhali konfetni maktab o‘quvchilariga noma’lum shaxslar bergani haqidagi haqqoniy bo‘lmagan xabarni tarqatgan.
Konfet iste’moli oqibatida bir bola vafot etgani haqida ham xabarlar tarqalgandi. Bu mutlaqo haqiqatga zidligi ma’lum qilindi.
Hozirda mazkur holat yuzasidan tergovga qadar tekshiruv olib borilmoqda, konfetning tarkibida inson sog‘lig‘iga zararli moddalar bor yoki yo‘qligini aniqlash maqsadida sud-kimyoviy ekspertiza tayinlangan.
Izoh (0)