O‘zbekiston musulmonlari idorasi mamlakat bo‘ylab Ramazon hayiti namozini o‘qish vaqtlari haqida maʼlumot berdi.
Maʼlum qilinishicha, O‘zbekiston masjidlarida 2025-yil 30-mart, yakshanba kuni Ramazon hayiti namozini o‘qish vaqtlari quyidagicha belgilandi:
- Andijon viloyati 06:20;
- Namangan viloyati 06:20;
- Farg‘ona viloyati 06:20;
- Toshkent viloyati 06:30;
- Toshkent shahri 06:30;
- Samarqand viloyati 06:40;
- Sirdaryo viloyati 06:40;
- Jizzax viloyati 06:40;
- Qashqadaryo viloyati 06:45;
- Surxondaryo viloyati 06:45;
- Buxoro viloyati 06:50;
- Navoiy viloyati 06:50;
- Xorazm viloyati 07:05;
- Qoraqalpog‘iston Respublikasi 07:15.
O‘zbekistonda ramazon oyi 1-martdan boshlangandi. 2025-yilgi Ramazon hayiti 30-mart kuni nishonlanishi 26-mart kuni e’lon qilindi. Mehnat kodeksining 208-moddasiga muvofiq ishlanmaydigan bayram kuni hisoblanuvchi Ramazon hayitining birinchi kuni 2025-yilda yakshanba — dam olish kuniga to‘g‘ri kelishi munosabati bilan ushbu dam olish kuni 31-mart — dushanba kuniga ko‘chiriladi.
Bunda ishlab chiqarish-texnik va tashkiliy sharoitlar (mavjud uzluksiz ishlab chiqarish, aholiga har kuni xizmat ko‘rsatish, navbatchilik asosida ishlash va boshqalar) tufayli ishlanmaydigan bayram kunlari to‘xtatib qo‘yish mumkin bo‘lmagan ishlarni bajarishda dam olish kunlari ko‘chirilmaydi.
2024-yilda Ramazon hayiti 10-aprelga to‘g‘ri kelgandi.
Izoh (0)