Украина раҳбарияти президентлик сайловини ўтказишга рози бўлди.
Бу ҳақда АҚШ президентининг махсус вакили Стивен Уиткофф америкалик журналист Такер Карлсонга берган интервьюсида маълум қилди.
Карлсон Россия томонининг “Украинанинг амалдаги раҳбари сайланмаган ва шунинг учун бу давлат билан шартнома тузиш мумкин эмас” деган позицияси ҳақида гапирди.
“Сизнингча, Украинада сайлов бўладими?” деб сўради журналист. “Ҳа, бўлади. Украина раҳбарияти бунга аллақачон рози бўлган. Украинада сайлов бўлади”, деб жавоб берди Уиткофф.
Шунингдек, у Қора денгиздаги ҳарбий ҳаракатларни тўхтатиш бўйича келишув келаси ҳафта ичида кучга кириши мумкинлигини таъкидлади.
“Қора денгизда Украина ва Россия бир-бирининг кемаларини ўққа тутмоқда. Биз бу масалани ҳал қилишга ўтдик, келишув яқин бир ҳафта ичида амалга оширилади. Муҳокама қилиниши керак бўлган баъзи тафсилотлар бор. Бу муҳим. Жуда муҳим”, деди АҚШ президентининг вакили.
Изоҳ (0)