Fransiyaning Parij shahrida yozgi Olimpiada o‘yinlari bo‘lib o‘tmoqda.
Futbol bo‘yicha O‘zbekiston Olimpiya terma jamoasi futbolchilari Husniddin Aliqulov va Oston O‘runov jarohat tufayli Dominikan Respublikasiga qarshi o‘yinni o‘tkazib yuborishi ma’lum bo‘ldi.
Shu sababli, Behruz Asqarov va Asadbek Rahimjonovni qaydnomaga kiritish yuzasidan tashkiliy qo‘mitaga yuborilgan so‘rov qabul qilindi, deyilmoqda O‘FA matbuot xizmati xabarida.
Endilikda mazkur futbolchilar bugungi o‘yinda ro‘yxatdan o‘rin egallaydilar.
O‘zbekiston U-23 terma jamoasining Dominikan Respublikasiga qarshi o‘yini 30-iyul kuni 18:00 da bo‘lib o‘tadi. Timur Kapadze shogirdlari C guruhida so‘nggi pog‘onani egallab turibdi.
Izoh (0)