Parij—2024. O‘zbekiston — Misr o‘yinini okeaniyalik hakamlar guruhi boshqarib boradi

O‘zbekiston U-23 terma jamoasi 27-iyul kuni Parij Olimpiadasidagi navbatdagi o‘yinini Misrga qarshi o‘tkazadi.

Mazkur o‘yinda o‘zbekistonlik futbolchilar to‘liq oq libosda, darvozabon esa yashil libosda maydonga tushadi.

Uchrashuvni esa okeaniyalik hakamlar brigadasi boshqarib boradi.

Bosh hakam — Kavana-Vauf Kempbell (Yangi Zelandiya), unga qanotlarda Trevis Isaak (Yangi Zelandiya) va Mutukera Bernard (Solomon orollari) yordam beradi. 4-rasmiy hakam vazifasi Hamilton Odettega (Yamayka) topshirilgan. 

Eslatib o‘tamiz, O‘zbekiston — Misr o‘rtasidagi o‘yin 27-iyul soat 20:00 da “Bojuar” stadionida bo‘lib o‘tadi.

Timur Kapadze shogirdlari 1-turda Ispaniyaga qarshi maydonga tushib, 1:2 hisobida mag‘lub bo‘lgandi.