O‘zbekiston terma jamoasiga Timur Kapadze bosh murabbiy bo‘lishi kutilmoqda. Bu haqda “Daryo”ga O‘FAga yaqin manba ma’lum qildi.
Ta’kidlanishicha, murabbiy bilan allaqachon kelishuvga erishilgan. Yaqin kunlarda murabbiy rasman tayinlanadi va jamoa yig‘iniga qo‘shiladi.
Ma’lumot uchun, bugun, 22-yanvar kuni Srechko Katanes sog‘lig‘i bilan bog‘liq muammolar sababli O‘zbekiston futbol assotsiatsiyasi bilan tuzilgan shartnomani o‘zaro rozilik bilan bekor qilishga qaror qilgani xabar qilingandi.
O‘FA milliy jamoa bosh murabbiyi lavozimiga munosib nomzod tayinlash borasida ish olib borayotgani xabar qilingandi. Ba’zi mutaxassislarning fikricha, tashkilot xorijiy murabbiylar bilan ham muzokaralar olib borgan.
Maʼlumot uchun, Katanes qo‘l ostida O‘zbekiston terma jamoasi Jahon chempionatiga saralash bosqichida 6 turdan keyin 13 ochko bilan ikkinchi o‘rinda bormoqda. Guruhda 1 va 2-o‘rinlarni olgan jamoalar mundialga to‘g‘ridan to‘g‘ri yo‘llanmani qo‘lga kiritadi.
Kapadze boshchiligida U-23 jamoasi tarixda ilk bor Olimpiya yo‘llanmasini qo‘lga kiritdi.
2024-yil yakuniga ko‘ra, Kapadze O‘zbekistonda yilning eng yaxshi murabbiyi sifatida e’tirof etildi.
Izoh (0)