Samarqand viloyatida fuqaro uyida eshak so‘yib, go‘shtini sotib kelayotgani aniqlandi. Bu haqda viloyat Ekologiya boshqarmasi xabar berdi.
Qayd etilishicha, holat Kattaqo‘rg‘on tumani Ekologiya va atrof-muhitni muhofaza qilish va iqlim o‘zgarishi bo‘limi davlat inspektorlari va mutasaddi tashkilotlar vakillari tomonidan o‘rganildi.
Ma’lum bo‘lishicha, mazkur holat Kattaqo‘rg‘on tumani Sho‘rak qishlog‘ida yashovchi fuqaro xonadonida kushxona tashkil etib, bir necha eshaklarni so‘yib, go‘shtini sotish bilan shug‘ullanib kelgan.
Hozirda mazkur holat to‘liq bartaraf etilib, kushxona faoliyatiga chek qo‘yildi. Noqonuniy faoliyat yuzasidan esa qonuniy chora qo‘rish maqsadida bayonnomalar tuzilib, tegishli idoralar tomonidan huquqiy baho berilmoqda.
Oqqo‘rg‘on tumanida eshak suyaklarining suvga tashlab ketilayotgani holatidan boshlangan tadbir Ohangaron tumanida davom ettirilib, 3 nafar shaxs gumonlanuvchi sifatida ushlangani va tergovga qadar surishtiruv olib borilayotgani haqida xabar berilgan.
Avvalroq tarmoqlarda Surxondaryo viloyatida fuqarolarning eshak so‘ygani aytilgan va hayvonlar jasadi ko‘ringan video tarqalgandi. Viloyat hokimligi axborot xizmati rahbari bu eski video ekanligini bildirgan.
Ma’lumot uchun, eshak terisi va ichagi tibbiyotda subtovar sifatida foydalaniladi. Qonunchilikda eshak go‘shtini iste’mol qilish yoki sotganlik uchun javobgarlik yo‘q. Faqat eshak go‘shtini boshqa hayvon, masalan, mol go‘shti deb sotganlik uchun javobgarlik mavjud.
Izoh (0)