Oliy Majlis Qonunchilik palatasida “Hayvonlarni identifikatsiya qilish, ro‘yxatga olish va kuzatish to‘g‘risida”gi qonun loyihasi birinchi o‘qishda ko‘rib chiqilgani haqida xabar berilgan edi.
Deputat Odiljon Tojiyevning maʼlum qilishicha, qonun loyihasida eshak go‘shtini isteʼmol uchun ishlatiladigan go‘sht toifasiga kiritish nazarda tutilmagan.
Prezidentning JST masalalari bo‘yicha vakili Azizbek Urunov ushbu xabarlar fonida yangragan “bu JST talablariga bog‘liq bo‘lishi mumkinligi” xususidagi gap-so‘zlarga izoh berdi.
“Jahon savdo tashkilotining bu masalaga nima aloqasi bor?”, deya savol qo‘ygan Azizbek Urunov.
“Yaqinda yana bir masalaga duch kelib qoldim, go‘yoki tashqi qarzni tezroq qaytarish JST talabi emish?! Yana bir bloger 47 ta davlat bilan muzokara qilish kerak deb yozibdi. Biz bilmagan va sizga ayon bo‘lgan masalalar bormi?”, deb qo‘shimcha qilgan u.
Izoh (0)