Toshkent shahar Yakkasaroy tumanidagi somsa va osh markazida eshak go‘shti saqlanayotgani rad etildi. Sanitariya-epidemiologiya qo‘mitasi ijtimoiy tarmoqlarda tarqalgan xabar yuzasidan ma’lumot berdi.
Unga ko‘ra, Sanepidqo‘mning Toshkent shahar boshqarmasi tomonidan aynan xabarda taʼkidlangan reyd tadbiri o‘tkazilmagan va xodimlar tomonidan somsaxonalardan birida eshak go‘shti saqlanayotgani aniqlandi, degan xabarlar hech qanday asosga ega emas.
Qayd etilishicha, go‘sht mahsulotlarining sifatini o‘rganish va sotuvga chiqarishga ruxsat berish Sanitariya-epidemiologik osoyishtalik va jamoat salomatligi qo‘mitasining emas, balki Veterinariya sanitariya ekspertiza laboratoriyasi vakolatiga kiradi.
Izoh (0)