Tarmoqlarda Surxondaryo viloyatida fuqarolarning eshak so‘ygani aytilgan va hayvonlar jasadi ko‘ringan video tarqaldi. Xabarda ushbu go‘shtlar sotish uchun tayyorlanayotgani yozilgan.
-MpgSo5HF.jpg)
Surxondaryo viloyati hokimligi axborot xizmati rahbari Murodbek Davlatovning “Daryo”ga bildirishicha, video eski.
Aniqlik kiritilishicha, videodagi voqea 2017-yilning 6-aprel kuni Sherobod tumanining Qo‘rg‘on mahallasidagi adirlikda sodir bo‘lgan. Aybdorlar Ma’muriy javobgarlik to‘g‘risidagi kodeksning 111-moddasi (hayvonlarga nisbatan shafqatsiz munosabatda bo‘lish) bilan aybdor deb topilib, chora ko‘rilgan.
Ushbu qilmishni amalga oshirgan shaxslar ma’muriy javobgarlikka tortilgan. Kelgusida bunday holatlar takrorlanmasligi uchun o‘z vaqtida choralar ko‘rilgan, — deydi mas’ul.
Jinoyat ishlari bo‘yicha Qarshi shahar sayyor sudida 2021-yilning aprel oyida eshak so‘yib, go‘shtini sotish bilan shug‘ullangan shaxsga nisbatan hukm o‘qilgandi.
O‘zbekiston musulmonlari idorasi eshak go‘shti sotilishi haqida fikr bildirib, “Bu mutlaqo mumkin emas. Chunki shariatda iste’moli nojoiz bo‘lgan narsaning savdosi ham nojoiz degan qoida bor. Eshak go‘shtining haromligi Xaybar g‘azoti kunida Payg‘ambarimiz Rasululloh sallallohu alayhi vasallam taraflaridan bayon qilingan ochiq haqiqatdir. Bunga Imom Buxoriy sahih hadislarda Jobir ibn Abdulloh roziyallohu anhudan rivoyat qilib keltirgan hadis dalil bo‘ladi”,— deya fatvo bergandi.
Izoh (0)