Jizzax viloyati G‘allaorol tumanida 28-aprel kuni tekshiruvlar mobaynida hech qanday hujjatlarsiz olib ketilayotgan go‘sht mahsulotlari to‘xtatib qolindi. Bu haqda viloyat Ichki ishlar boshqarmasi xabar qildi.
Qayd etilishicha, shu kuni soat 01:05 larda “Sangzor-15” YPX maskanida Qashqadaryo—Toshkent yo‘nalishi bo‘ylab harakatlanib ketayotgan Qashqadaryo viloyati Chiroqchi tumani “Kunchiqar” MFYda istiqomat qiluvchi X.M (1993-yilda tug‘ilgan) boshqaruvida bo‘lgan Nexia to‘xtatilib, tekshirilgan. Natijada avtomashina saloni va yukxonasida jami 712 kilogramm noma’lum hayvon go‘shti hech qanday hujjatlarsiz veterinariya-sanitariya qoidalariga zid ravishda Toshkent shahriga olib ketayotgani aniqlandi.
Go‘sht mahsuloti iste’molga yaroqli yoki yaroqsizligini bilish maqsadida vaqtincha saqlash uchun muzxonaga joylashtirilib, belgilangan tartibda xolislar ishtirokida hujjatlashtirilgan.
Izoh (0)