Keng ko‘lamli urush o‘zining to‘rtinchi yiliga yaqinlashar ekan, Rossiya armiyasida zirhli texnikalar taqchilligi ortib bormoqda. Buni tarmoqlarda muhokamalarni keltirib chiqargan tasvirlar tasdiqlaydi. Ularda o‘q-dorilarni tashish uchun frontdagi askarlarga eshaklar berilgani aks etgan.
Urushni yoritib boruvchi manbalarga ko‘ra, jonivorlar an’anaviy transport vositalari o‘rnini bosish uchun ishlatilmoqda. Eshaklar o‘q-dorilar va boshqalarni tashish, hatto qo‘shinlar harakatlanishi uchun xizmat qilishi mumkin. Rus askarlaridan biri mazkur holatga o‘z munosabatini quyidagicha izohlagan:
“Buni qabul qilish kerak. Qayerdan, nima uchun va qanday qilib — bilmayman. Lekin fakt shuki, bizga eshak berishdi”.
Shuningdek, u jonivor logistika maqsadlari uchun berilganini qo‘shimcha qilgan:
“Bu eshak ta’minot bo‘linmasi bilan birga joylashgan. Transport vositalari bilan bog‘liq muammolarimiz bor, yuk mashinalarimiz yo‘q qilinmoqda. Shunday qilib, endi bizda o‘q-dori tashuvchi tirik eshak bor. Bu ko‘ngillilarning xayriya yordami emas — bizning yuk mashinamiz ta’minot olib kelishga chiqib, eshaklar bilan qaytdi”.
-YdwnzC9_.jpg)
Biroq ba’zi rus harbiy blogerlari eshaklar mahalliy tashabbus bo‘lganini da’vo qildi. Ammo bu haqda birinchilarda bo‘lib yozgan Krill Federov mudofaa vazirligi qaroriga tayanib, tashabbus yuqori qo‘mondonlikka tegishli ekanini aytdi.
“Jangchilarga o‘q-dorilarni yetkazish uchun eshak berildi. Nima kutgan edingiz? Ayni kunlarda texnikalar yetishmaydi”, deb yozadi u o‘z Telegram kanalida.
Avvalroq Ukrainada jang qilayotgan rus askarlari zirhli texnikalarning katta yo‘qotishlari tufayli otlarga o‘ta boshlagani haqida xabar berilgandi.
Jurnalistlar ta’kidlashicha, Ukrainada Rossiya texnikasining yo‘qotishlari 15 mingtadan oshgan. Yangi texnika ishlab chiqarish esa kechikmoqda. Sovuq urush davridagi eski texnika zaxiralari 2024-yil oxirida tugab qolgan. Bu esa Rossiyaning ayrim harbiylarini oxir-oqibat otlarga o‘tishga majbur qilgan.
Rossiyaning Ukrainadagi yo‘qotishlari
Qurolli mojarolar ishtirokchilarining yo‘qotishlarini vizual dalillar asosida tasdiqlab boradigan ORYX portaliga ko‘ra, Rossiya tomoni keng ko‘lamli urush boshidan buyon 3734 ta tank hamda 5443 ta piyoda jangovar mashinasidan ayrilgan.
Izoh (0)