“Sevilya” klubi prezidenti Xose Mariya del Nido “Real” klubining Ispaniya Qirollik futbol federatsiyasi (RFEF) va Sport masalalari bo‘yicha Oliy kengashga (CSD) hakamlikning yomon ishlashi bo‘yicha rasmiy shikoyatiga munosabat bildirdi. Bu shikoyat “Real”ning “Espanyol”ga uchralgan 0:1 hisobidagi mag‘lubiyatdan keyin berilgandi.
“Bu qabul qilib bo‘lmaydigan va dushmanona harakat. Bu hakamlarning sha'ni va musobaqaning halolligini shubha ostiga qo‘yadi. Futbol dunyosi bunday bayonotni jamoatchilik oldida ham, sudda ham qoralashi kerak. Eng yomoni shundaki, klub Real TV va boshqa vositalar orqali Ispaniya futboliga putur yetkazmoqchi bo‘lmoqda. Biz bunga chidab turolmaymiz!
Birinchidan, biz hakamlarni to‘liq qo‘llab-quvvatlaymiz. Ularning sha'niga shubha qilinishiga yo‘l qo‘ymaymiz. “Real” ularga bosim o‘tkazmoqchi va bu ularning erkin qaror qabul qilishiga xalaqit beradi”, deydi “Sevilya” prezidenti.
Hozirda “Real” La Liga turnir jadvalida birinchi o‘rinda bormoqda. “Atletiko” ikkinchi o‘rinda bormoqda. “Barselona” ikki ochko kamroq jamg‘argan holda uchinchi o‘rinni egallab turibdi.
Izoh (0)