“Barselona” “Milan” hujumchisi Rafael Leau bilan shartnoma imzolash imkoniyatini o‘rganib chiqmoqda. Bu haqda insayder Nikolo Skira ijtimoiy tarmoqdagi sahifasi orqali xabar berdi.
“Barselona” 25 yoshli portugaliyalik futbolchi haqida Italiya klubidan ma’lumot so‘ragan, ammo hozircha rasmiy muzokaralar yoki transfer bo‘yicha taklif bilan chiqmagan.
Yanvar oyidagi transfer mavsumida Leau Saudiyadan kelgan juda katta taklifni rad etgan edi. “Al-Hilol” unga bir mavsum uchun 20 million yevro maosh bermoqchi ekanligini ma’lum qildi. Ammo futbolchi hali Yevropada qolmoqchi ekanligini aytib, bu taklifni qabul qilmagan.
Uning “Milan” bilan shartnomasi 2028-yilgacha davom etadi va yiliga 7 million yevro maosh oladi. Shartnomada uning tovon puli 175 million yevro etib belgilangan.
Futbolchi joriy mavsum A Seriyada 23 ta o‘yinda maydonga tushib, 5 ta gol va 5 ta golli uzatma qayd etdi. Chempionlar Ligasida esa 10 ta uchrashuvda 3 ta gol urib, 2 ta assistni amalga oshirgan.
Izoh (0)