“Barselona” hujumchisi Lamin Yamal klub rahbariyatining transfer rejalaridan norozi. Bu haqda El Nacional nashri xabar bermoqda.
Manbaga ko‘ra, “ko‘k-anorranglilar” rahbariyati fransiyalik himoyachi Kunde o‘ynayotgan o‘ng qanot himoyachisi pozitsiyasini kuchaytirishni rejalashtirmoqda. Yamal esa “Barselona”ga bu pozitsiyaga yangi futbolchi kerak emas deb hisoblaydi, chunki unga fransiyalik himoyachi bilan bir qanotda o‘ynash yoqadi.
Ma’lumot uchun, joriy mavsumda Yamal “Barselona” safida barcha musobaqalarni qo‘shib hisoblaganda 31 ta o‘yinda maydonga tushdi. Uning hisobida 11 ta gol va 15 ta golli uzatma mavjud. Futbolchining klub bilan amaldagi shartnomasi 2026-yilning yozigacha davom etadi. Transfermarkt internet-portali ma’lumotlariga ko‘ra, uning bozor qiymati 180 million yevroga teng.
17 yoshli Yamal “Barselona” klubi asosiy tarkibida 2023-yildan beri o‘ynamoqda.
Avvalroq “Barselona” Kubarsi bilan shartnomani uzaytirgani haqida xabar berilgandi.
Izoh (0)