Futbol bo‘yicha Ispaniya chempionatining 21-turida “Barselona” “Valensiya”ga qarshi to‘p surdi.
Barselonadagi “Olimpik Lyuis Kompanis” stadionida bo‘lib o‘tgan uchrashuvda “Barsa” “Valensiya”ni 7:1 hisobida tor-mor keltirib, XXI asrda samaradorlik bo‘yicha rekord o‘rnatdi.
Hans-Diter Flik boshchiligidagi kataloniyaliklar joriy mavsumda 100 dan ortiq gol urishni uddaladi. Bunga “Barselona” 32 ta o‘yinda erishdi.
Faqatgina Elenio Errera jamoasi 1958/1959-yilgi mavsumda 100 ta golni undan tezroq — 31 o‘yinda urishga muvaffaq bo‘lgan.
O‘tkazilgan 21 o‘yindan so‘ng “Barselona” 42 ochko bilan La Liga turnir jadvalida 3-o‘rinda bormoqda. Jamoaning azaliy raqibi Madridning “Real” klubi esa 49 ochko bilan turnir jadvalida yetakchilik qilmoqda. 45 ochko bilan Atletiko 2-o‘rinni band etgan.
“Barselona” La Liga doirasidagi keyingi o‘yinini 2 fevral kuni o‘z uyida “Alaves”ga qarshi o‘tkazadi.
Izoh (0)