Германиянинг бўлажак канцлери Фридрих Мерз яқин кунларда АҚШ президенти Дональд Трамп билан шахсан учрашмоқчи. Бу ҳақда ХДИ парламент фракцияси раиси ўринбосари Йохан Вадефул хабар берди.
Мерс Трамп билан имкон қадар тезроқ учрашади ва умид қиламанки, ҳарбий харажатларни кўпайтириш бўйича режаларни ўзи билан олиб келади, деб таъкидлади Вадефул.
Унинг сўзларига кўра, бу Германия ва АҚШ ўртасидаги кескинлашган муносабатларни яхшилаши мумкин. Бироқ Берлинда Вашингтон билан мулоқот ўрнатиш ҳозирда мураккаб вазифа эканини англашмоқда.
Барча европаликлар янги Америка маъмурияти билан мулоқот қилишда қийинчиликларга дуч келмоқда, дея қўшимча қилди Вадефул.
Учрашувнинг асосий мавзуларидан бири Германия ҳукуматининг мамлакат мудофаасини молиялаштириш бўйича режалари бўлиши кутилмоқда. Трамп илгари Европадаги иттифоқчиларни ҳарбий харажатлар етарли эмаслиги учун танқид қилган ва агар Европа давлатлари ўз харажатларини оширмаса, АҚШ НАТОни қўллаб-қувватлашни қисқартириши мумкинлигига ишора қилган эди.
Германиянинг бўлажак канцлери Трампнинг Европа тақдирига бефарқлигини айтди
Фридрих Мерзнинг сўзларига кўра, Трамп маъмуриятини Европа тақдири қизиқтирмайди.
Дональд Трампнинг ўтган ҳафтадаги баёнотларидан сўнг, бу ҳукумат Европа тақдири ҳақида кам қайғураётгани маълум бўлди, деди у.
Шимолий Атлантика альянси тақдири ҳақида гапирар экан, Мерз қизиқиш билан “ўша пайтда НАТО ҳақида ҳозирги ҳолатда гапиришда давом этамизми ёки Европанинг мустақил мудофаа тузилмасини тезроқ яратишимиз керакми”, деган фикрни билдирди.
Изоҳ (0)