AQSH Ukrainaga har qanday harbiy yordamni to‘xtatadi. Bu haqda Donald Tramp administratsiyasi spikeri, Oq uy matbuot kotibi Karolin Levitt ma’lum qildi.
AQSH Ukrainaga harbiy yordamni to‘xtatib, tinchlik muzokaralariga ustuvor ahamiyat beradi, dedi Levitt.
Uning so‘zlariga ko‘ra, toki tinchlik uchun asos bo‘lmaguncha AQSH Ukrainani moliyaviy jihatdan qo‘llab-quvvatlamoqchi emas.
Biz endi AQSHdan uzoq bo‘lgan mamlakatda tinchlik uchun haqiqiy va mustahkam asos yuzaga kelmaguncha urush uchun shunchaki bo‘sh cheklar yozib bermoqchi emasmiz, dedi spiker.
28-fevral kuni AQSH prezidenti Donald Tramp Vladimir Zelenskiy bilan Oq uyda uchrashdi. Oval kabinetdagi uchrashuv asabiy ohangda yakunlangan.
Ukraina rahbari Kiyev o‘t ochishni to‘xtatishga tayyor emasligi va Vashingtondan xavfsizlik kafolatiga muhtoj ekanini aytgan.
Bunga javoban Tramp Zelenskiyga AQSHga yetarlicha “hurmat ko‘rsatmayotganini” va “Amerika o‘zini qanday tutishi bo‘yicha ko‘rsatma berishga haqqi yo‘qligini” aytgan.
Uning qo‘shimcha qilishicha, Kiyev tinchlik o‘rnatish chog‘ida “murosalarga” borishi kerak, agar Ukraina hukumati kelishuvdan bosh tortsa, Qo‘shma Shtatlar unda ishtirok etmaydi.
Izoh (0)