АҚШ Украинага ҳар қандай ҳарбий ёрдамни тўхтатади. Бу ҳақда Дональд Трамп администрацияси спикери, Оқ уй матбуот котиби Каролин Левитт маълум қилди.
АҚШ Украинага ҳарбий ёрдамни тўхтатиб, тинчлик музокараларига устувор аҳамият беради, деди Левитт.
Унинг сўзларига кўра, токи тинчлик учун асос бўлмагунча АҚШ Украинани молиявий жиҳатдан қўллаб-қувватламоқчи эмас.
Биз энди АҚШдан узоқ бўлган мамлакатда тинчлик учун ҳақиқий ва мустаҳкам асос юзага келмагунча уруш учун шунчаки бўш чеклар ёзиб бермоқчи эмасмиз, деди спикер.
28 февраль куни АҚШ президенти Дональд Трамп Владимир Зеленский билан Оқ уйда учрашди. Овал кабинетдаги учрашув асабий оҳангда якунланган.
Украина раҳбари Киев ўт очишни тўхтатишга тайёр эмаслиги ва Вашингтондан хавфсизлик кафолатига муҳтож эканини айтган.
Бунга жавобан Трамп Зеленскийга АҚШга етарлича “ҳурмат кўрсатмаётганини” ва “Америка ўзини қандай тутиши бўйича кўрсатма беришга ҳаққи йўқлигини” айтган.
Унинг қўшимча қилишича, Киев тинчлик ўрнатиш чоғида “муросаларга” бориши керак, агар Украина ҳукумати келишувдан бош торца, Қўшма Штатлар унда иштирок этмайди.
Изоҳ (0)