Qirg‘izistonning Bishkek shahridagi Kardiojarrohlik va organlar transplantatsiyasi milliy ilmiy-tadqiqot institutida 11-fevral kuni yirik yong‘in yuz berdi, ikki bemor halok bo‘ldi. Bu haqda “Zakon.kz” xabar berdi.
Yong‘in tufayli 260 kishi, jumladan, tibbiyot xodimlari va bemorlar evakuatsiya qilingan. Sog‘liqni saqlash vaziri Erkin Checheybayev bemorlarning bir qismi operatsiyalardan so‘ng jonlantirish bo‘limida bo‘lganini aytdi.
Yong‘indan so‘ng ular zudlik bilan boshqa tibbiyot muassasalariga o‘tkazilgan. To‘qqiz kishi, jumladan, yetti nafar bola reanimatsiya bo‘limlariga yotqizilgan. Yong‘in tutuni ventilyatsiya tizimiga tarqalib, evakuatsiyani qiyinlashtirgan.
Bosh vazir topshirig‘iga ko‘ra, yong‘in sabablarini aniqlash bo‘yicha idoralararo guruh tuzilgan. Holat yuzasidan jinoiy ish qo‘zg‘atilgan. Hukumat tibbiyot muassasasi faoliyatini zudlik bilan tiklash bo‘yicha ko‘rsatma bergan. Hodisa tafsilotlari bo‘yicha tergov olib borilmoqda.
Izoh (0)