Қирғизистоннинг Бишкек шаҳридаги Кардиожарроҳлик ва органлар трансплантацияси миллий илмий-тадқиқот институтида 11 февраль куни йирик ёнғин юз берди, икки бемор ҳалок бўлди. Бу ҳақда “Закон.кз” хабар берди.
Ёнғин туфайли 260 киши, жумладан, тиббиёт ходимлари ва беморлар эвакуация қилинган. Соғлиқни сақлаш вазири Эркин Чечейбаев беморларнинг бир қисми операциялардан сўнг жонлантириш бўлимида бўлганини айтди.
Ёнғиндан сўнг улар зудлик билан бошқа тиббиёт муассасаларига ўтказилган. Тўққиз киши, жумладан, етти нафар бола реанимация бўлимларига ётқизилган. Ёнғин тутуни вентиляция тизимига тарқалиб, эвакуацияни қийинлаштирган.
Бош вазир топшириғига кўра, ёнғин сабабларини аниқлаш бўйича идоралараро гуруҳ тузилган. Ҳолат юзасидан жиноий иш қўзғатилган. Ҳукумат тиббиёт муассасаси фаолиятини зудлик билан тиклаш бўйича кўрсатма берган. Ҳодиса тафсилотлари бўйича тергов олиб борилмоқда.
Изоҳ (0)