Buyuk mutafakkir Nizomiddin Mir Alisher Navoiy tavalludining 584 yilligi hamda viloyatda 2025-yil Alisher Navoiy yili deb e’lon qilinganligi munosabati bilan Navoiy viloyatida “Alisher Navoiy va Sharq Renessansi” xalqaro simpoziumi o‘tkazilmoqda.
Tadbirda Belgiya, AQSH, Vengriya, Pokiston, Rossiya, Eron, Misr, Ozarbayjon, Turkiya, Shimoliy Kipr, Qozog‘iston, Qirg‘iziston, Tojikiston kabi 20 ga yaqin davlatning, shuningdek respublikamizning navoiyshunoslari, arboblar, madaniyat va san’at namoyandalari, yirik oliy o‘quv yurtlari professorlari bevosita va bilvosita (onlayn platformalar orqali) ishtirok etmoqda.
Xalqaro simpozium doirasida Navoiy shahridagi Ma’naviyat va ma’rifat maskanida yalpi majlis o‘z ishini boshladi. Unda O‘zbekiston Respublikasi prezidentining maslahatchisi Xayriddin Sultonov Shavkat Mirziyoyevning simpozium ishtirokchilariga yo‘llagan tabrigini o‘qib eshittirdi.
Jarayonda viloyat hokimi Normat Tursunov ham nutq so‘zladi.
Simpozium 8-9 fevral kunlari butun viloyat bo‘ylab sho‘ba yig‘ilishlari, “Nazm va navo” adabiy kechalari, seminarlar, olimlar bilan uchrashuvlar, Hazrat haykallari poyiga gulchambarlar qo‘yish marosimlari va shu kabi madaniy tadbirlar bilan davom etadi.
Izoh (0)