Amerikalik jurnalist Kendis Ouens Fransiya prezidenti Emmanuel Makronning rafiqasi Brijitning erkak jinsida tug‘ilgani haqidagi dalillarni e’lon qilishga va’da berdi.
Xususan, u o‘zining ijtimoiy tarmoqlarida Brijit Makron hech qachon mavjud bo‘lmaganini isbotlovchi dalillarni to‘plaganini da’vo qilib, materiallarni 30-yanvar kuni e’lon qilishga va’da bermoqda.
Avvalroq Ouens Makronlar oilasining advokatlari uni ta’qib qilayotganini ma’lum qilgan, biroq “AQSH Yevropa emasligini, va u yerda so‘z erkinligi bor”ligini, fransuz advokatlari “uning og‘zini yopa olmasligini” ta’kidlagandi. Uning so‘zlariga ko‘ra, “prezidentlar xorijiy jurnalistlarga agar ular oshkor qilishi mumkin bo‘lgan narsadan dahshatga tushmasalar tahdid qilmaydi”.
Keyin X’dagi akkauntida jurnalist Makronga murojaat qilib, tergovni e’lon qilishdan oldin unga “adolatli va muvozanatli intervyu” uchun 21 ta savoldan iborat ro‘yxatni yubordi. Unda u Brijit Makronning o‘tmishi haqida savollar beradi va uning yoshlik davridagi fotosuratlarini baham ko‘rishni so‘raydi.
Jurnalistning ta’kidlashicha, Makron o‘zining o‘qituvchisi 39 yoshli Brijit bilan munosabatga kirishganida 15 yoshda bo‘lgan, ammo o‘qituvchining maktab yoki talabalik hayotidan hech qanday ma’lumot mavjud emas.
Ouens, shuningdek, 2024-yilning noyabr oyida fransuz jurnalisti Natasha Rey bilan suhbat o‘tkazganini ma’lum qildi, u Brijit Makron erkak bo‘lib tug‘ilganini va buning uchun sudlanganini aytdi.
2024-yil sentyabr oyida Parij sudi Brijit Makron erkak bo‘lib tug‘ilganini da’vo qilgan ikki ayolni, shu jumladan Reyni tuhmat uchun 13,5 ming yevro jarimaga hukm qildi. Keyinchalik kassatsiya sudi bu hukmni tasdiqladi.
2021-yil dekabr oyida Fransiyada prezidentlik saylovlariga bir necha oy qolganda, o‘zini mustaqil jurnalist deb atovchi Rey YouTube platformasidagi videoda bir necha yildan buyon birinchi xonim haqida tergov olib borayotganini ma’lum qildi. Uning ta’kidlashicha, Makronning maktab o‘qituvchisi bo‘lgan va undan 24 yosh katta Brijit aslida Jan-Mishel ismli erkak sifatida tug‘ilgan. Bu video tez orada virusga aylanib, OAVda, jumladan AQSHda ham keng tarqaldi.
2024-yil mart oyida Makron birinchi marta turmush o‘rtog‘ining jinsi haqidagi tabloid xabarlarini omma oldida tanqid qilgan edi. Uning so‘zlariga ko‘ra, prezidentlik lavozimida duch keladigan eng yomon narsa — bu “yolg‘on ma’lumotlar va soxta syujetlar”.
Izoh (0)