Parij sudi ikki fransuz ayolni Fransiya prezidenti Emmanuel Makronning rafiqasi Brijitga tuhmat qilgani uchun jami 13,5 ming yevro miqdorida jarimaga tortdi. Bu haqda BFMTV xabar berdi.
Ma’lum qilinishicha, ayollar Brijit go‘yo erkak bo‘lib tug‘ilgani haqida mish-mish tarqatgan. Endilikda ular prezident rafiqasiga yetkazilgan ma’naviy zarar uchun 8 ming yevro va yana 5 ming yevro — da’vogar sifatida ishtirok etgan uning ukasi Jan-Mishel Tronega to‘lashi kerak.
Brijit Makron erkak bo‘lib tug‘ilgani haqidagi da’volar bo‘yicha ikki ayol ustidan sud jarayoni 2024-yil iyun oyida boshlangan. 2022-yil ular Brijit erkak bo‘lib tug‘ilganini va uning haqiqiy ismi Jan-Mishel ekanini “tasdiqlovchi” videoni chiqargan. Video virusga aylanib, Fransiyaning birinchi xonimida norozilik uyg‘otgan.
Izoh (0)