Rolls Royce kompaniyasi Xitoyning uch ming yillik tarixga ega ajdaholar haqidagi afsonadan ilhomlanib, o‘zining yangi hashamatli avtomobil versiyasini taqdim etdi. Yangi Rolls Royce Phantom mashinasi maxsus dizayn va dekoratsiyalarga boy bo‘lib, Xitoy madaniyatidagi ajdarho ramzi bilan bog‘liq kuch, donolik va boylikni ifodalaydi.
Mashinaning ichki qismida Starlight nomli mayda chiroqlardan iborat bezaklar bilan to‘ldirilgan. Salonning boshqa qismlari yog‘och o‘ymakorligi yordamida ajdarho motivlari bilan bezatilgan. Shuningdek, avtomobilning rangi va bezaklari Xitoy madaniyatiga mos holda ishlab chiqilgan.
Dragon pristavkasiga ega Rolls Royce Phantom ezgu ishlari uchun xudolardan marvarid qabul qilgan ikki ajdarho haqidagi afsona haqida so‘zlaydi. Ularning har biri xazinani o‘ziga olib qolish o‘rniga, marvaridni boshqalarga topshiradi. Ajdarlarning saxiyligi xudolarga manzur bo‘lib, ularni ikkinchi marvarid bilan siylaydi. Afsonaga ko‘ra, bu ishidan so‘ng ikki ajdar osmonga ko‘tarilib, o‘zlari xudoga aylandi.
Mashina shiftdagi murakkab chiroqli naqshlar mazkur hikoyaga ishora qiladi. Qizil va oq ajdarlar 1300 dan ortiq optik tolalar yordamida tasvirlangan. Mashinaning narxi, uni buyurtma qilgan mijoz ismi ham noma’lum.
“Rolls Royce Phantom Dragon’ning bunday turli xildagi seriyalari ishlab chiqarilishi Sharqiy Osiyo mashina bozoridagi uning ahamiyati yuqori ekanligini bildiradi, ta’kidlaydi”, deydi ishlab chiqaruvchi.
Mazkur mashina ajdarho va qadimiy afsonalar mavzusini aks ettiruvchi birinchi Rolls-Royce emas. O‘tgan yili xitoycha yangi yil bayrami mavzusiga bag‘ishlangan avtomobillar kolleksiyasini chiqargan. Ular ham ajdarlar tasvirlari bilan bezatilgan edi.
Izoh (0)