Rolls Royce компанияси Хитойнинг уч минг йиллик тарихга эга аждаҳолар ҳақидаги афсонадан илҳомланиб, ўзининг янги ҳашаматли автомобиль версиясини тақдим этди. Янги Rolls Royce Phantom машинаси махсус дизайн ва декорацияларга бой бўлиб, Хитой маданиятидаги аждарҳо рамзи билан боғлиқ куч, донолик ва бойликни ифодалайди.
Машинанинг ички қисмида Starlight номли майда чироқлардан иборат безаклар билан тўлдирилган. Салоннинг бошқа қисмлари ёғоч ўймакорлиги ёрдамида аждарҳо мотивлари билан безатилган. Шунингдек, автомобилнинг ранги ва безаклари Хитой маданиятига мос ҳолда ишлаб чиқилган.
Dragon приставкасига эга Rolls Royce Phantom эзгу ишлари учун худолардан марварид қабул қилган икки аждарҳо ҳақидаги афсона ҳақида сўзлайди. Уларнинг ҳар бири хазинани ўзига олиб қолиш ўрнига, марваридни бошқаларга топширади. Аждарларнинг сахийлиги худоларга манзур бўлиб, уларни иккинчи марварид билан сийлайди. Афсонага кўра, бу ишидан сўнг икки аждар осмонга кўтарилиб, ўзлари худога айланди.
Машина шифтдаги мураккаб чироқли нақшлар мазкур ҳикояга ишора қилади. Қизил ва оқ аждарлар 1300 дан ортиқ оптик толалар ёрдамида тасвирланган. Машинанинг нархи, уни буюртма қилган мижоз исми ҳам номаълум.
“Rolls Royce Phantom Dragon’нинг бундай турли хилдаги сериялари ишлаб чиқарилиши Шарқий Осиё машина бозоридаги унинг аҳамияти юқори эканлигини билдиради, таъкидлайди”, дейди ишлаб чиқарувчи.
Мазкур машина аждарҳо ва қадимий афсоналар мавзусини акс эттирувчи биринчи Rolls-Royce эмас. Ўтган йили хитойча янги йил байрами мавзусига бағишланган автомобиллар коллекциясини чиқарган. Улар ҳам аждарлар тасвирлари билан безатилган эди.
Изоҳ (0)