Joriy yil 3-yanvar kuni avstraliyalik va amerikalik aktyor, rejissyorlik ishi uchun “Oskar” sovrindori bo‘lgan Mel Gibson 69 yoshga to‘ldi. “Tim” melodramasi, “Telba Maks” hamda “Sheryurak” jangari filmi orqali tanilgan aktyor haqida quyida qiziqarli faktlar haqida ma’lumot beramiz.
Bardagi jang tufayli rejissyorlar e’tiboriga tushgan
Mel Gibson yoshligida aktyor do‘sti Stiv Bisli bilan Jorj Miller tomonidan suratga olinayotgan jangovar film uchun tinglovga keladi. Bir kun avval esa Gibson mahalliy barlardan birida mushtlashgani sababli uning yuzida ko‘karishlar va turli jarohatlar qoladi. Melni payqagan rejissyor uning aktyor ekanligiga shubha ham qilmaydi, ayniqsa uning tashqi ko‘rinishi rejissyorlar e’tiborini tortadi. Shunday qilib, yosh avstraliyalik yigitga “Telba Maks” filmidagi Maks Rokatanskiy roli nasib etadi.
Film haqiqiy sensatsiyaga aylandi va mashhur franshizaning boshlanishini belgilab beradi. Gibson uchun bu rol uning kino sohasida o‘z faoliyatini boshlashiga yo‘l ochadi.
Uch ayoldan to‘qqiz nafar farzand
Ko‘proq nasl qoldirish istagi Gibsonning o‘zi ko‘p farzandli oila (11 ta farzand) da tug‘ilib o‘sgani sababli yuzaga kelgan. Mel oilada oltinchi bola bo‘lgan uning ota-onasi Xatton va Enn katolik urf-odatlariga sodiq bo‘lib, oilaviy munosabatlar va nasl masalasini hamma narsadan ustun qo‘ygan. Bu qarashlar Mel barpo qilgan oilaga ham ta’sir qilgan.
Aktyor Robin Mur bilan 28 yil davom etgan nikohida yetti nafar farzandi tug‘ilgan. Ammo juftlik uzoq yillik nikoh va bolalarga qaramay 2011-yildagi ajralishgan. Bu voqea Gibson uchun haqiqiy zarba bo‘lgan.
So‘ng aktyor rossiyalik pianinochi Oksana Grigoryeva bilan turmush qurgan. Bu nikohda 2009-yilda Lusiya ismli qiz dunyoga kelgan. Ammo ularning munosabatlari uzoq davom etmadi va er-xotin turli nizolar, janjallar va katta sud ishi bilan ajraldi.
Keyinchalik Gibson o‘zidan 34 yosh kichik bo‘lgan ssenariy muallifi va ot sporti bo‘yicha sobiq chempion Rozalind Ross bilan yashay boshladi. 2017-yilda 61 yoshli aktyor to‘qqizinchi marta ota bo‘ldi — ularning oilasida - er-xotin Lars Jerard ismli o‘g‘il dunyoga keldi.
Spirtli ichimliklarga qaramlik
Yulduzning alkogol mahsulotlariga mukkasidan ketishi yoshligidan boshlangan. Spirtli ichimliklar Melga deyarli butun umri davomida hamroh bo‘ldi, shu sababli aktyor ko‘plab muammolarga duch keldi. Jumladan, 2006-yilda Gibson mast holda mashina boshqargani uchun hibsga olindi. Hibsga olish chog‘ida u politsiyaga nisbatan yomon so‘zlar aytishi uning karyerasiga salbiy ta’sir ko‘rsatdi.
Gibson bir marta o‘z joniga qasd qilishga ham uringan. U spirtli ichimliklarni suiiste’mol qilish natijasida yuzaga kelgan depressiya davrida o‘limdan qolgan. Bunga uning yaqin insonlari yordam bergan. Aktyorning so‘zlariga ko‘ra, vaqt o‘tib, u alkogolga qaramlikni yenggan va hozirda spirtli ichimliklardan uzoqroq yuradi.
Mel Gibson ko‘plab yorqin rollarni rad etgan
1980-yillarda loyihani tark etgan Rojer Mur o‘rniga 007 agenti rolini taklif etishadi, biroq aktyor boshqa franshiza bilan ismini bog‘lashni istamay, buni rad etdi va oxir-oqibat rol Timoti Daltonga nasib etadi.
Bundan tashqari, Gibson Ridli Skottning “Gladiator” filmida suratga tushish taklifini ham rad etgan, mazkur rol boshqa avstraliyalik Rassell Krouga berilgan.
Aktyorning shaxsiy oroli bor
2005-yilda Mel Gibson Fiji arxipelagidagi Mango orolini Tokio korporatsiyasidan 15 million dollarga sotib olgan. Tinch okeanining tiniq suvlari bilan o‘ralgan, maydoni taxminan 22 kilometr kvadrat bo‘lgan go‘zal tabiatli orol kelajakda aktyor turistik hududga aylantirish yoki ijaraga berishdan bosh tortadi. Gibson kurortni rivojlantirish niyatida emas, aksincha orolning bor go‘zalligini saqlab qolmoqchi xolos. U mahalliy ekotizimga g‘amxo‘rlik qilib, orolni asl ko‘rinishida saqlab qolishga harakat qiladi.
Izoh (0)