Ukraina prezidenti Vladimir Zelenskiy Rossiya gazining Ukraina orqali tranzitini to‘xtatish Vladimir Putinning eng katta mag‘lubiyatlaridan biri bo‘lganini aytdi. Bu haqda Deutsche Welle xabar berdi.
“Moskvaning eng yirik mag‘lubiyatlaridan biri”
Putinga 25 yildan ortiq vaqt oldin Rossiyada hokimiyat in’om etilganida, Ukraina hududi orqali Yevropaga yiliga 130 milliard kubometrdan ko‘proq gaz yetkazib berilardi. Bugungi kunda Rossiya gazining tranziti nolga teng. Bu Moskvaning eng katta mag‘lubiyatlaridan biridir. Energiya manbalarini qurolga aylantirish va hamkorlarni energetik shantaj qilish — Rossiyani o‘zi uchun eng jozibador va geografik jihatdan eng qulay bozordan mahrum qilgan narsa, dedi Zelenskiy.
Siyosatchi Yevropaning aksariyat davlatlari bunday o‘zgarishlarga muvaffaqiyatli moslashganini aytdi. U AQSHdan Yevropa шttifoqiga suyultirilgan tabiiy gaz yetkazib berish ko‘payishiga umid bildirdi.
Bugun bizning umumiy vazifamiz - energetika transformatsiyasi davrida Moldovani qo‘llab-quvvatlash. Shuningdek, biz shaffof energetika siyosati o‘rniga Moskva bilan mafiyaviy sxemalarni afzal ko‘radigan ayrim yevropalik siyosatchilarning “isterikasiga” bardosh berishimiz kerak. Bozorda Yevropaning haqiqiy hamkorlaridan kelgan gaz qanchalik ko‘p bo‘lsa, Yevropaning Rossiyaga energetik qaramligining so‘nggi salbiy oqibatlari shunchalik tezroq bartaraf etiladi, deya qo‘shimcha qildi Ukraina prezidenti.
“Gazprom” Ukraina orqali gaz tranzitini to‘xtatdi
1-yanvar kuni “Gazprom” Ukraina orqali gaz yetkazib berishni butunlay to‘xtatdi, chunki “Ukraina Naftogozi” bilan besh yillik tranzit shartnomasi tugadi. Rossiya konsernining ta’kidlashicha, Kiyev shartnomani uzaytirishdan bosh tortgan, shu sababli “Gazprom” gazni yetkazib berish uchun “texnik va yuridik imkoniyatlardan mahrum”.
Izoh (0)