O‘zbekiston Milliy olimpiya qo‘mitasi raisining birinchi o‘rinbosari Otabek Umarov, tashkilot bosh kotibi Oybek Qosimov, O‘zbekiston dzyudo federatsiyasi raisi Azizjon Kamolov, O‘zbekiston futbol assotsiatsiyasi birinchi vitse-prezidenti Ravshan Ermatov hamda O‘zbekistonning Buyuk Britaniyadagi elchisi Ravshan Usmonov Pep Gvardiola boshchiligidagi “Manchester Siti” klubi mashg‘ulotlarida mehmon bo‘lishdi. Ushbu klub safida o‘zbekistonlik himoyachi Abduqodir Husanov ham to‘p suradi.
Avvalroq “Manchester Siti”ga egalik qiluvchi “City Football Group” kompaniyasi O‘zbekistondan klub sotib olish imkoniyatini ko‘rib chiqayotgani haqida xabarlar tarqalgan edi. Markaziy Olimpiya Qo‘mitasi raisining birinchi o‘rinbosari Otabek Umarovga ko‘ra, Abduqodir Husanovning transferi ortidan o‘zbek futboliga qiziqish oshgan.
Izoh (0)