“Xavfli sinov”, “Goblin” kabi dramalar orqali muxlislar qalbini zabt etgan aktyor Kon Yu hamda “Quyosh avlodlari” seriali yulduzi Son Xe Gyo yangi loyihada birga ish boshladi.
“Sokin va kuchli” nomli serialni suratga olish ishlari 2025-yil 12-yanvarda boshlandi. Ssenariy muallifi “Hammasi joyida, bu sevgi” va “Bizning blyuz” kabi loyihalari bilan tanilgan No Xi Gyongdir.
Drama voqealari 1960—1970-yillarda sodir bo‘ladi. Unda Koreya mamlakatidagi madaniy va iqtisodiy o‘sish davri, shuningdek, san’at va televideniye sohasidagi o‘zgarishlar, parda ortidagi o‘ziga xos qiyinchiliklar yoritiladi.
Aktyor Kong Yu muhim ijtimoiy masalalarga bag‘ishlangan teledastur yaratish uchun kurashgan radioprodyuser rolini o‘ynaydi.
Aktrisa Son Xe Gyo teleyulduzga aylangan, ammo mashhurlik va jamiyat bosimi ostida qiyinchiliklarga duch kelgan xonanda obrazini gavdalantiradi. Aktrisa 60—70-yillar ayoli qiyofasiga mos kelishi uchun sochini kalta kestirgan.
Dramada kino va teleyulduzlar, prodyuserlar va jamoatchilik o‘rtasidagi murakkab munosabatlar ochib beriladi. Unda insoniylik, xiyonat va o‘zlikni anglash mavzulari ham ko‘tariladi.
Son Xe Gyo va No Xi Gyong avval ham bir nechta loyihalarda hamkorlik qilishgan.
Loyihani suratga olish ishlarini 2025-yilning birinchi yarmida yakunlash rejalashtirilgan. Serial Netflix striming xizmatida 22 qismli drama formatida namoyish etilishi ustida muzokaralar olib borilmoqda.
Loyiha byudjeti 700 milliard von (544 million dollar)dan oshadi.
Izoh (0)