AQSH kosmik kuchlari deyarli 50 yildan so‘ng birinchi marta kelajakdagi harbiy GPS dasturlariga ta’sir ko‘rsatishi mumkin bo‘lgan tajribaviy navigatsiya sun’iy yo‘ldoshini orbitaga chiqardi. Bu Defense One portal xabar bermoqda.
“United Launch Alliance kompaniyasining Vulcan raketasi seshanba kuni Floridadagi Kanaveral burnidan Navigation Technology Satellite‐3 sun’iy yo‘ldoshini orbitaga olib chiqdi”, deyiladi xabarda.
Portal ma’lumotlariga ko‘ra, NTS-3 signal almashtirish xavfidan himoyalanishni, so‘ndirish sharoitida barqaror aloqa uchun fazaviy antennani, shuningdek, yerdan doimiy boshqaruvsiz mustaqil ishlashni sinab ko‘radi. Qurilma to‘g‘ridan-to‘g‘ri orbitada qayta dasturlash imkoniyatiga ham ega.
Qo‘shimcha qilinishicha, bu Vulcan raketasidan foydalangan holda AQSH milliy xavfsizlik dasturining ikkinchi bosqichi doirasidagi birinchi uchirishdir.
Iyul oyida Next Spaceflight portali NTS-3 USSF-106 maxfiy missiyasining bir qismi sifatida uchishi kerakligini ma’lum qildi. Unda orbitada signalni o‘zgartirish qobiliyatiga ega qurilma foydali yukning asosiy elementi sifatida e’lon qilingan edi. Uchirish aynan shu Kanaveral burnidan va Vulcan VC4S raketasi yordamida amalga oshirilishi rejalashtirilgan edi.
Izoh (0)