“Хавфли синов”, “Гоблин” каби драмалар орқали мухлислар қалбини забт этган актёр Кон Ю ҳамда “Қуёш авлодлари” сериали юлдузи Сон Хе Гё янги лойиҳада бирга иш бошлади.
“Сокин ва кучли” номли сериални суратга олиш ишлари 2025 йил 12 январда бошланди. Сценарий муаллифи “Ҳаммаси жойида, бу севги” ва “Бизнинг блюз” каби лойиҳалари билан танилган Но Хи Гёнгдир.
Драма воқеалари 1960—1970 йилларда содир бўлади. Унда Корея мамлакатидаги маданий ва иқтисодий ўсиш даври, шунингдек, санъат ва телевидение соҳасидаги ўзгаришлар, парда ортидаги ўзига хос қийинчиликлар ёритилади.
Актёр Конг Ю муҳим ижтимоий масалаларга бағишланган теледастур яратиш учун курашган радиопродюсер ролини ўйнайди.
Актриса Сон Хе Гё телеюлдузга айланган, аммо машҳурлик ва жамият босими остида қийинчиликларга дуч келган хонанда образини гавдалантиради. Актриса 60—70 йиллар аёли қиёфасига мос келиши учун сочини калта кестирган.
Драмада кино ва телеюлдузлар, продюсерлар ва жамоатчилик ўртасидаги мураккаб муносабатлар очиб берилади. Унда инсонийлик, хиёнат ва ўзликни англаш мавзулари ҳам кўтарилади.
Сон Хе Гё ва Но Хи Гёнг аввал ҳам бир нечта лойиҳаларда ҳамкорлик қилишган.
Лойиҳани суратга олиш ишларини 2025 йилнинг биринчи ярмида якунлаш режалаштирилган. Сериал Netflix стриминг хизматида 22 қисмли драма форматида намойиш этилиши устида музокаралар олиб борилмоқда.
Лойиҳа бюджети 700 миллиард вон (544 миллион доллар)дан ошади.
Изоҳ (0)