“Emmi” mukofoti asosan Amerika teledasturlari va seriallariga bag‘ishlangan bo‘lsa-da, AQSHdan tashqarida suratga olingan tahsinga loyiq ishlarni ham eʼtirof etadi. Ular orasida baʼzi koreys dramalari, jumladan, “Kalmar o‘yini” filmi shu qadar mashhurlikka erishdiki, film Amerika kartinalari bilan mukofotlar uchun kurashdi. Quyida nufuzli mukofotga nomzod qilib ko‘rsatilgan koreys filmlari bilan tanishamiz.
“Chebollar oilasining kenja o‘g‘li” (2022)
“Chebollar oilasining kenja o‘g‘li” kartinasi aktyor Song Jung Ki ishtirokidagi fantastik-drama film hisoblanadi. Boy kompaniya egalari bir xodimni mablag‘larni o‘zlashtirishda gumon qilib, uni o‘ldirishga qaror qiladi. Lekin xodim kompaniya o‘g‘lining siymosida qayta gavdalanadi. U nafaqat hayotda ikkinchi marta imkoniyatga ega bo‘ladi, balki u sobiq xo‘jayini tomonidan sodir etilgan yomonliklar uchun qasos olishga ham qodir bo‘ladi.
“G‘ayrioddiy huquqshunos U Yon U” (2022)
2023-yilda yana bir “Emmi” mukofotiga nomzod Park Eun Bin ishtirokidagi tanqidchilar va muxlislarning sevimli dramasi “G‘ayrioddiy huquqshunos U Yon U” filmi bo‘ldi. Film sujeti autizm spektrining buzilishi bilan kasallangan advokat U Yon Uning Koreyadagi eng yetakchi yuridik firmalaridan biriga ishga kirishi haqida. Uning noodatiy xatti-harakatlari ijtimoiy hayotda dastlab unga xalaqit beradi, lekin uning ish bo‘yicha o‘ziga xos nuqtai nazari advokatlik firmasi uchun foydali bo‘lib chiqadi.
“Oshiq qirol” (2021)
2022-yilda drama boshqa nomzodlarni, jumladan, Braziliyaning “Imperatorlik davrida”, Ispaniyaning “Ikki hayot” va Xitoyning “Sen mening qahramonimsan” seriallarini ortda qoldirib, “Eng yaxshi mini-serial” nominatsiyasi bo‘yicha “Emmi” mukofotini qo‘lga kiritdi. Unda bosh rollarni Park En Bin va SF9 musiqa guruhidan Roun ijro etgan.
“Kalmar o‘yini” (2021)
Netfilx tomonidan ishlangan Janubiy Koreyaning mashhur dramasi “Kalmar o‘yini” 2021-yilgi “Emmi” mukofotida tarixiy muvaffaqiyatga erishdi. Kartina ikkita “Emmi” mukofotiga sazovor bo‘ldi. Shu jumladan bosh rol ijrochisi Li Jon Je “Drama yo‘nalishidagi serialda eng yaxshi aktyor” nominatsiyasi bo‘yicha taqdirlandi.
“Aqldan ozgan, lekin hammasi joyida (2020)
“Aqldan ozgan, lekin hammasi joyida” dramasi 2021-yilda “Emmi” mukofotiga nomzod bo‘lgan. Studio Dragon tomonidan tasvirga olingan film 2020-yilning iyundan avgustigacha tvN kabel kanalida namoyish etilgan. Netflix yordamida drama xalqaro miqyosda ham mashhurlikka erishdi.
“Shamollar mamlakati” (2008)
KBS telekanali tomonidan suratga olingan “Dengiz hukmdori” filmi 2009-yilda mazkur mukofotga nomzod bo‘lgan. Drama Janubiy Koreyadan tashqari ko‘plab davlatlarda namoyish etilgan. Unda tomoshabinlar Koreya asoschisi Jumongning nabirasi Mu Xyulning hayoti haqida bilib oladi. Filmda u tug‘ilishi bilan kelajakda ota-onasi, aka-ukalari va o‘g‘lini o‘ldirishi va Koguryoni yo‘q qilishi bashorat qilinadi
Drama haqiqiy tarixiy faktlar va fantaziyani bir-biriga bog‘lab turadi, shuning uchun baʼzi voqealar g‘alati yoki juda fantastik ko‘rinishga ega.
Izoh (0)