Zelenskiy Ukraina Qurolli kuchlarining sobiq rahbari, Ukrainaning Buyuk Britaniyadagi elchisi Valeriy Zalujniy o‘z nomzodini ko‘rsatmasligi sharti bilan prezidentlikning ikkinchi muddatiga o‘z nomzodini qo‘yishga qaror qildi.
“Zelenskiyning atrofidagilar ikkinchi muddat haqida qaror qabul qilinganini aytdi. 52 foiz ishonch darajasi bilan unda g‘alaba qozonish imkoniyati qoladi”, deyiladi xabarda.
Shu bilan birga, nashr suhbatdoshlarining ta’kidlashicha, Zelenskiy, agar Zalujniy o‘z nomzodini ilgari surmasagina saylovda qatnashadi. Nashrning yozishicha, Zalujniy hatto prezident idorasi rahbari Andrey Yermakdan ushbu masalada tegishli taklif olgan: unga ko‘ra, Zalujniy o‘z nomzodini ko‘rsatmasa hamda Zelenskiy tomonida saylovlarda ishtirok etsa, sobiq rahbar partiya ro‘yxatida birinchi o‘rinni va parlamentda spikerlik o‘rnini egallashi mumkin.
Telegraf nashrining aniqlik kiritishicha, Zalujniy bu borada hali uzil-kesil qaror qabul qilmagan.
2024-yil dekabr oyida Ukrainaning “Strana” nashri ham manbalarga tayanib Zelenskiyning idorasi saylovlar o‘tkazilsa, Zalujniyni o‘z nomzodini qo‘yishdan qaytarishga urinayotgani, agar ishtirok etsa, faqat “Xalq xizmatchisi” partiyasi nomidan chiqishini xabar qilgan edi.
Zelenskiyning vakolatlari muddati 2024-yilning 20-mayida tugagan edi. Ukrainada 2024-yildagi prezidentlik saylovlari harbiy holat va umumiy safarbarlik tufayli bekor qilingan edi. Zelenskiy hozirda saylovlar o‘tkazish “o‘rinsiz” ekanligini ta’kidlagan.
Ukraina yetakchisi mamlakatda prezidentlik va parlament saylovlari urush tugagan yili bo‘lib o‘tishini aytgan edi.
Siyosatchiga ko‘ra, harbiy holat tugaganidan so‘ng parlamentda saylov o‘tkazish uchun ovoz berish va 90 kundan keyin uni tashkil etish mumkin bo‘ladi. Zelenskiy saylovlarni urush paytida ham o‘tkazish mumkinligini aytdi. Ammo buning uchun qonunchilik va ovoz berish tizimini o‘zgartirish zarur.
Izoh (0)