Зеленский Украина Қуролли кучларининг собиқ раҳбари, Украинанинг Буюк Британиядаги элчиси Валерий Залужний ўз номзодини кўрсатмаслиги шарти билан президентликнинг иккинчи муддатига ўз номзодини қўйишга қарор қилди.
“Зеленскийнинг атрофидагилар иккинчи муддат ҳақида қарор қабул қилинганини айтди. 52 фоиз ишонч даражаси билан унда ғалаба қозониш имконияти қолади”, дейилади хабарда.
Шу билан бирга, нашр суҳбатдошларининг таъкидлашича, Зеленский, агар Залужний ўз номзодини илгари сурмасагина сайловда қатнашади. Нашрнинг ёзишича, Залужний ҳатто президент идораси раҳбари Андрей Ермакдан ушбу масалада тегишли таклиф олган: унга кўра, Залужний ўз номзодини кўрсатмаса ҳамда Зеленский томонида сайловларда иштирок этса, собиқ раҳбар партия рўйхатида биринчи ўринни ва парламентда спикерлик ўрнини эгаллаши мумкин.
Телеграф нашрининг аниқлик киритишича, Залужний бу борада ҳали узил-кесил қарор қабул қилмаган.
2024 йил декабрь ойида Украинанинг “Страна” нашри ҳам манбаларга таяниб Зеленскийнинг идораси сайловлар ўтказилса, Залужнийни ўз номзодини қўйишдан қайтаришга уринаётгани, агар иштирок этса, фақат “Халқ хизматчиси” партияси номидан чиқишини хабар қилган эди.
Зеленскийнинг ваколатлари муддати 2024 йилнинг 20 майида тугаган эди. Украинада 2024 йилдаги президентлик сайловлари ҳарбий ҳолат ва умумий сафарбарлик туфайли бекор қилинган эди. Зеленский ҳозирда сайловлар ўтказиш “ўринсиз” эканлигини таъкидлаган.
Украина етакчиси мамлакатда президентлик ва парламент сайловлари уруш тугаган йили бўлиб ўтишини айтган эди.
Сиёсатчига кўра, ҳарбий ҳолат тугаганидан сўнг парламентда сайлов ўтказиш учун овоз бериш ва 90 кундан кейин уни ташкил этиш мумкин бўлади. Зеленский сайловларни уруш пайтида ҳам ўтказиш мумкинлигини айтди. Аммо бунинг учун қонунчилик ва овоз бериш тизимини ўзгартириш зарур.
Изоҳ (0)