“An-Nassr” klubi va Portugaliya terma jamoasi hujumchisi Krishtianu Ronaldu Globe Soccer Awards marosimida Jorjina Rodrigesni “mening xotinim” deb atadi.
Dunyoning eng yaxshi futbolchilariga mukofotlarni topshirish uchun tashkil etilgan kechada bir necha bor sahnaga chiqqan afsonaviy to‘purarning nutqida Daily Mail ushbu noodatiy tafsilotga e’tibor qaratdi.
Krishtianu o‘z yaqinlariga mukofotlar uchun minnatdorchilik bildirib, o‘z nutqida Jorjinani “mening xotinim” deb atagan. Ingliz nashriga ko‘ra, bu Ronaldu va uning qiz o‘rtog‘i yashirincha turmush qurgani va bu haqda hozircha hech kimga aytmayotganidan darak beradi.
Eslatib o‘tamiz, Ronaldu Yaqin Sharqda yilning eng yaxshi futbolchisi sifatida Globe Soccer Awards mukofotini olgan edi.
Avvalroq juftlik Dubaydan 25 million yevroga yer sotib olgani xabar qilingandi. Jorjina va Ronaldu 5 farzandni tarbiya qilib kelmoqda.
Izoh (0)