“An-Nassr” va Portugaliya terma jamoasi hujumchisi Krishtianu Ronaldu mashhur amerikalik bloger Mr. Beast’ning videolavhasida ishtirok etdi.
Birinchi raqamli bloggerning lavhasida 39 yoshli futbolchi tasodifiy muxlis bilan bellashdi. Ular darvozadagi mo‘ljallarga zarba berdi. Ushbu chellenjda futbolchi va “An-Nassr” klubining ashaddiy muxlisi Xalid g‘alaba qozondi va bu unga bir million dollar olib keldi. Video “An-Nassr”ning Saudiya Arabistonidagi uy stadionida suratga olingan. Chellenj davomida Ronaldu ham muxlisini qo‘llab turdi.
Ushbu video 1 kunda 60 milliondan ortiq ko‘rildi va hozirda YouTube platformasi trendining birinchi o‘rnida bormoqda. Avvalroq Mr. Beast Ronalduning YouTube kanalidagi podkastda mehmon bo‘lgan edi. Unda futbolchi o‘g‘li bilan bir jamoada o‘ynashi mumkinligi haqidagi savolga javob bergandi.
Izoh (1)
Ronaldo atayin yutqazib berdi. Bu mavzuni yoritgan inson ozroq oʻylashi kerak ahmoqlik qilgandan koʻra. Shu bizga bir narsa boʻlmasin ekan boʻlar boʻlmas mavzuni yoritib oʻtiruramiz